მასალად საჭიროა:

4-5 ცალი პამიდორი,

2 ცალი ტკბილი წიწაკა,

1 ცალი ბადრიჯანი,

2 ცალი ყაბაყი ან ცუკინი,

1 თავი ხახვი,

2 კბილი ნიორი,

0,5 ჩ.კ. შავი და თეთრი პილპილი,

1/3 ჭიქა ზეთი,

1 კონა ქონდარი,

რეჰანი და პიტნა.

 სოუსისთვის – 250 მლ.

სქელი მაწონი,

 1 კბილი ნიორი,

0,5 ჩ.კ. მარილი,

1 კონა ოხრახუში.
 

მომზადების წესი:

პამიდორი დავმდუღროთ, გავაცალოთ კანი და მსხვილად დავჭრათ.
ხახვი და ნიორი წვრილად ავკეპოთ. ზეთში შევწვათ ჯერ მსხვილად დაჭრილი ბადრიჯანი, შემდეგ დავუმატოთ წიწაკა, ყაბაყი, ნიორი და ხახვი. 5 წუთის შემდეგ ბოსტნეულს დავამატოთ პამიდორი, დავახუროთ სახურავი და დაბალ ცეცხლზე 15-20 წუთი ვშუშოთ, ბოლოს მოვაყაროთ მარილი და მწვანილი.

ნიორი დავნაყოთ მარილთან ერთად, შევურიოთ მაწონს,
მოვაყაროთ წვრილად დაჭრილი ოხრახუში და მივირთვათ მოშუშულ ბოსტნეულთან ერთად.